മാതാപിതാക്കളെയും കാമുകിയയെും കൊന്നു, പിഞ്ചുകുഞ്ഞിനെ കൊല്ലുന്നതിനിടെ പോലീസിന്റെ വെടിയേറ്റ് മരിച്ചു

ഒറിഗൺ: മാതാപിതാക്കളെയും കാമുകിയെയും കൊലപ്പെടുത്തുകയും ഒൻപത് മാസം മാത്രം പ്രായമുള്ള പിഞ്ചുകുഞ്ഞിനെ ക്രൂരമായി കൊലപ്പെടുത്താൻ ശ്രമിക്കുകയും ചെയ്ത ആളെ പൊലീസ് വെടിവച്ചു കൊന്നു. ശനിയാഴ്ച രാത്രി അമേരിക്കയിലെ ഒറിഗണിലാണ്സംഭവം. മാർക്ക് ലിയോ ഗ്രിഗറി( 42) ആണ് മാതാപിതാക്കളായ ജെറി ബ്രേമർ, പമേല, കാമുകി ഷെയ്ന സ്വീറ്റർ എന്നിവരെ കൊലപ്പെടുത്തുകയും ഒമ്പത് മാസം പ്രായമുള്ള ഒലീവിയ ഗാഗോ എന്ന പെൺകുഞ്ഞിനെ ക്രൂരമായി കൊല്ലാൻ ശ്രമിക്കുകയും ചെയ്തത്. ശനിയാഴ്ച രാത്രി 10.15 ഓടെ ലഭിച്ച ഫോൺ കോളിന്റെ അടിസ്ഥാനത്തിലാണ് പോലീസ് സംഭവസ്ഥലത്തെത്തുന്നത്. സംഭവസ്ഥലത്ത് പോലീസ് എത്തുമ്പോൾ വീടിനുപുറത്ത് ഒരു സ്ത്രീ മരിച്ച നിലയിൽ കിടക്കുകയായിരുന്നുവെന്നാണ് പോലീസ് പറയുന്നത്. ഷെയ്നയുടെ മുൻ ബന്ധത്തിലുള്ള കുഞ്ഞായ ഒലീവിയയെ കൊലപ്പെടുത്തുന്നതിനിടെയാണ് മാർക്കിനെ പോലീസ് വെടിവെച്ച് കൊന്നത്. എങ്ങനെയാണ് ഇവരെ കൊലപ്പെടുത്തിയതെന്ന കൃത്യമായ വിവരം പോലീസിന് ലഭിച്ചിട്ടില്ല. മാർക്കിന്റെ ആക്രമത്തിൽ നിന്നും രക്ഷപ്പെട്ട കുഞ്ഞിനെ ആരോഗ്യനിലയിൽ പ്രശ്നമില്ലെന്നും പോലീസ് വ്യക്തമാക്കി. Content Highlight:US man kills parents, girlfriend and their 9-month-old baby; shot dead by cops

from mathrubhumi.latestnews.rssfeed http://bit.ly/2T5YDAn
via IFTTT